சனிராகு கேதுபுதன் சுக்கிரன் செய்வாய்
குருசந்திரன் சூரியனிவரை,
சற்றெனக் குள்ளாக்கி ராசி பனிரெண்டையும்
சமமாய் நிறுத்தியுடனே,
பனியொத்த நட்சதிரங்க ளிருபத்தேழும்
பக்குவப்படுத்திப் பின்னால்,
பகர்கின்ற கிரணங்கள் பதினொன்றையும் வெட்டிப்
பலரையும் அதட்டி யென்முன்,
கனிபோலவே பேசி கெடுநினைவு நினைக்கின்ற
கசடர்களையுங் கசக்கி,
கர்த்தநின் தொண்டராம் தொண்டர்க்குத்தொண்டரின்
தொண்டர்கள் தொழும்பனாக்கி,
இனிய வள மருவுசிறு மணவை முனுசாமி யெனை
யாள்வதினி யுன்கடன் காண்,
ஈசனே சிவகாமி நேசனே
யெனையீன்ற தில்லைவாழ் நடராஜனே!
No comments:
Post a Comment
Thanks for your comment!