9 January 2013

நடராஜப்பத்து-07

 
அன்னை தந்தைகளென்னை யீன்றதற் கழுவனோ
 
அறிவிலா ததற்கழுவனோ,
 
அல்லாமல் நான்முகன் தன்னையே நோவனோ
 
ஆசை மூன்றுக் கழுவனோ,
 
முன்பிறப் பென்னவினை செய்தனென் றழுவனோ
 
என் மூட வறிவுக்கழுவனோ,
 
முன்னிலென் வினைவந்து மூளுமென் றழுவனோ
 
முத்தி வரு மென்றுணர்வனோ,
 
தன்னைநொந் தழுவனோ உன்னை நொந்த ழுவனோ
 
தவமென்ன வென்றழுவனோ,
 
தையலர்க் கழுவனோ மெய்வளர்க் கழுவனோ
 
தரித்திர திசைக்கழுவனோ,
 
இன்னமென் னப்பிறவி வருமோவென் றழுவனோ
 
யெல்லா முரைக்க வருவாய்,
 
ஈசனே சிவகாமி நேசனே
 
யெனையீன்ற தில்லைவாழ் நடராஜனே!

No comments:

Post a Comment

Thanks for your comment!